(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 251

॥ శ్రీః ॥
1.251. అధ్యాయః 251
Mahabharata - Adi Parva - Chapter Topics
అగ్నినా వరుణాత్ ఆహృతానాం రథాదీనాం అర్జునాయ దానం॥ 1 ॥ అగ్నేః ఖాండవదాహారంభః॥ 2 ॥
Mahabharata - Adi Parva - Chapter Text

వైశంపాయన ఉవాచ। 1-251-0x(1323)(10928)
ఏవముక్తః స భగవాంధూమకేతుర్హుతాశనః।
చింతయామాస వరుణం లోకపాలం దిదృక్షయా॥ 1-251-1(10929)
ఆదిత్యముదకే దేవం నివసంతం జలేశ్వరం।
స చ తచ్చింతితం జ్ఞాత్వా దర్శయామాస పావకం॥ 1-251-2(10930)
తమబ్రవీద్భమకేతుః ప్రతిగృహ్య జలేశ్వరం।
చతుర్థం లోకపాలానాం దేవదేవం సనాతనం॥ 1-251-3(10931)
సోమేన రాజ్ఞా యద్దత్తం ధనుశ్చైవేషుధీ చ తే।
తత్ప్రయచ్ఛోభయం శీఘ్రం రథం చ కపిలక్షణం॥ 1-251-4(10932)
కార్యం చ సుమహత్పార్థో గాండీవేన కరిష్యతి।
చక్రేణ వాసుదేవశ్చ తన్మమాద్య ప్రదీయతాం॥ 1-251-5(10933)
దదానీత్యేవ వరుణః పావకం ప్రత్యభాషత।
తదద్భుతం మహావీర్యం యశఃకీర్తివివర్ధనం॥ 1-251-6(10934)
సర్వశస్త్రైరనాధృష్యం సర్వశస్త్రప్రమాథి చ।
సర్వాయుధమహామాత్రం పరసైన్యప్రధర్షణం॥ 1-251-7(10935)
ఏకం శతసహస్రేణ సంమితం రాష్ట్రవర్ధనం।
చిత్రముచ్చావచైర్వర్ణైః శోభితం శ్లక్ష్ణమవ్రణం॥ 1-251-8(10936)
దేవదానవగంధర్వైః పూజితం శాశ్వతీః సమాః।
ప్రాదాచ్చైవ ధనూరత్నమక్షయ్యౌ చ మహేషుధీ॥ 1-251-9(10937)
రథం చ దివ్యాశ్వయుజం కపిప్రవరకేతనం।
ఉపేతం రాజతైరశ్వైర్గాంధర్వైర్హేమమాలిభిః॥ 1-251-10(10938)
పాండురాభ్రప్రతీకాశైర్మనోవాయుసమైర్జవే।
సర్వోపకరణైర్యుక్తమజయ్యం దేవదానవైః॥ 1-251-11(10939)
భావుమంతం మహాఘోషం సర్వరత్నమనోరమం।
ససర్జ యం సుతపసా భౌమనో భువనప్రభుః॥ 1-251-12(10940)
ప్రజాపతిరనిర్దేశ్యం యస్య రూపం రవేరివ।
యం స్మ సోమః సమారుహ్య దానవానజయత్ప్రభుః॥ 1-251-13(10941)
నవమేఘప్రతీకాశం జ్లలంతమివ చ శ్రియా।
ఆశ్రితౌ తం రథశ్రేష్ఠం శక్రాయుధసమావుభౌ॥ 1-251-14(10942)
తాపనీయా సురుచిరా ధ్వజయష్టిరనుత్తమా।
తస్యాం తు వానరో దివ్యః సింహశార్దూలకేతనః॥ 1-251-15(10943)
`హనూమాన్నామ తేజస్వీ కామరూపీ మహాబలః।'
దిధక్షన్నివ తత్ర స్మ సంస్థితో మూర్ధ్న్యశోభత।
ధ్వజే భూతాని తత్రాసన్వివిధాని మహాంతి చ॥ 1-251-16(10944)
నాదేన రిపుసైన్యానాం యేషాం సంజ్ఞా ప్రణశ్యతి।
స తం నానాపతాకాభిః శోభితం రథసత్తమం॥ 1-251-17(10945)
ప్రదక్షిణముపావృత్య దైవతేభ్యః ప్రణంయ చ।
సన్నద్ధః కవచీ ఖడ్గీ బద్ధగోధాంగులిత్రకః॥ 1-251-18(10946)
ఆరురోహ తదా పార్థో విమానం సుకృతీ యథా।
తచ్చ దివ్యం ధనుః శ్రేష్ఠం బ్రహ్మణా నిర్మితం పురా॥ 1-251-19(10947)
గాండీవముపసంగృహ్య బభూవ ముదితోఽర్జునః।
హుతాశనం పురస్కృత్య తతస్తదపి వీర్యవాన్॥ 1-251-20(10948)
జగ్రాహ బలమాస్థాయ జ్యయా చ యుయుజే ధనుః।
మౌర్వ్యాం తు యోజ్యమానాయాం బలినా పాండవేన హ॥ 1-251-21(10949)
యేఽశృష్వన్కూజితం యత్ర తేషాం వై వ్యథితం మనః।
లబ్ధ్వా రథం ధనుశ్చైవ తథాఽక్షయ్యే మహేషుధీ॥ 1-251-22(10950)
బభూవ కల్యః కౌంతేయః ప్రహృష్టః సాహ్యకర్మణి।
వజ్రనాభం తతశ్చక్రం దదౌ కృష్ణాయ పావకః॥ 1-251-23(10951)
ఆగ్నేయమస్త్రం దయితం స చ కల్యోఽభవత్తదా।
అబ్రవీత్పావకశ్చైవమేతేన మధుసూదన॥ 1-251-24(10952)
అమానుషానపి రణే జేష్యసి త్వమసంశయం।
అనేన తు మనుష్యాణాం దేవానామపి చాహవే॥ 1-251-25(10953)
రక్షఃపిశాచదైత్యానాం నాగానాం చాధికస్తథా।
భవిష్యసి న సందేహః ప్రవరోఽపి నిబర్హణే॥ 1-251-26(10954)
క్షిప్తం క్షిప్తం రణే చైతత్త్వయా మాధవ శత్రుషు।
హత్వాఽప్రతిహతం సంఖ్యే పాణిమేష్యతి తే పునః॥ 1-251-27(10955)
వైశంపాయన ఉవాచ। 1-251-28x(1324)
వరుణశ్చ దదౌ తస్మై గదామశనినిఃస్వనాం।
దైత్యాంతకరణీం ఘోరాం నాంనా కౌమోదకీం ప్రభుః॥ 1-251-28(10956)
తతః పావకమబ్రూతాం ప్రహృష్టావర్జునాచ్యుతౌ।
కృతాస్త్రౌ శస్త్రసంపన్నౌ రథినౌ ధ్వజినావపి॥ 1-251-29(10957)
కల్యౌ స్వో భగవన్యోద్ధుమపి సర్వైః సురాసురైః।
కిం పునర్వజ్రిణైకేన పన్నగార్థే యుయుత్సతా॥ 1-251-30(10958)
అర్జున ఉవాచ। 1-251-31x(1325)
చక్రపాణిర్హృషీకేశో విచరన్యుధి వీర్యవాన్।
చక్రేణ భస్మసాత్సర్వం విసృష్టేన తు వీర్యవాన్।
త్రిషు లోకేషు తన్నాస్తి యన్న కుర్యాజ్జనార్దనః॥ 1-251-31(10959)
గాండీవం ధనురాదాయ తథాఽక్షయ్యే మహేషుధీ।
అహమప్యుత్సహే లోకాన్విజేతుం యుధి పావక॥ 1-251-32(10960)
సర్వతః పరివార్యైవం దావమేతం మహాప్రభో।
కామం సంప్రజ్వలాద్యైవ కల్యౌ స్వః సాహ్యకర్మణి॥ 1-251-33(10961)
`యది ఖాండవమేష్యతి ప్రమాదా-
త్సగణో వా పరిరక్షితుం మహేంద్రః।
శరతాడితగాత్రకుండలానాం
కదనం ద్రక్ష్యతి దేవవాహినీనాం॥' 1-251-34(10962)
వైశంపాయన ఉవాచ। 1-251-35x(1326)
ఏవముక్తః స భగవాందాశార్హేణార్జునేన చ।
తైజసం రపమాస్థాయ దావం దగ్ధుం ప్రచక్రమే॥ 1-251-35(10963)
సర్వతః పరివార్యాథ సప్తార్చిర్జ్వలనస్తథా।
దదాహ ఖాండవం దావం యుగాంతమివ దర్శయన్॥ 1-251-36(10964)
ప్రతిగృహ్య సమావిశ్య తద్వనం భరతర్షభ।
మేఘస్తనితనిర్ఘోషః సర్వభూతాన్యకంపయత్॥ 1-251-37(10965)
దహ్యతస్తస్య చ బభౌ రూపం దావస్య భారత।
మేరోరివ నగేంద్రస్య కీర్ణస్యాంశుమతోంశుభిః॥ ॥ 1-251-38(10966)

ఇతి శ్రీమన్మహాభారతే ఆదిపర్వణి ఖాండవదాహపర్వణి ఏకపంచాశదధికద్విశతతమోఽధ్యాయః॥ 251 ॥

Mahabharata - Adi Parva - Chapter Footnotes
1-251-2 ఆదిత్యమదితేః పుత్రం॥
1-251-7 మహామాత్రం ప్రధానం॥
1-251-12 భౌమనో విశ్వకర్మా॥
1-251-15 సింహశార్దూలవద్భయంకరః కేతనః కాయోయస్య సః॥
1-251-23 కల్యః సమర్థః వజ్రం వరత్రా సా నాభౌ యస్య తత్॥
1-251-27 హత్వా హత్వా రిపూన్సంఖ్యే ఇతి ఘ. పాత॥
ఏకపంచాశదధికద్విశతతమోఽధ్యాయః॥ 251 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.